‘मुंबई पुणे मुंबई-३’ हा मराठी चित्रपट शुक्रवारी प्रदर्शित झाला असून तो महाराष्टात धुमधडाक्यात सुरु आहे. या चित्रपटाने तीन दिवसांत ५ कोटींचा गल्ला जमवला आहे. ‘मुंबई पुणे मुंबई’च्या या तिसऱ्या भागालासुद्धा सिनेरसिकांनी डोक्यावर घेतले आहे. दिग्दर्शक सतीश राजवाडेंच्या या चित्रपटात स्वप्नील-मुक्ताने साकारलेल्या गौतम-गौरी यांच्या आयुष्यात पुढे काय घडते, हे पाहण्यासाठी सिनेरसिक गर्दी करत आहेत. दमदार कथानक, कलाकारांचा कसदार अभिनय, उच्च निर्मितीमूल्ये यामुळे ‘मुंबई पुणे मुंबई-३’ चित्रपटाने प्रेक्षकांना आकर्षित केले आहे.

सामाजिक विषयावरील ‘मुळशी पॅटर्न’ या मराठी चित्रपटाला बॉक्स ऑफिसवर प्रेक्षकांचा उत्स्फूर्त प्रतिसाद मिळत आहे, प्रविण विठ्ठल तरडे लिखित, दिग्दर्शित या चित्रपटाने कोणत्याही मोठ्या स्टुडीओच्या पाठबळाशिवाय केवळ माऊथ पब्लिसिटीच्या जोरावर ११ दिवसात ११ कोटी रुपयांची कमाई केली आहे. काल्पनिक कथेवर आधारीत, वास्तवाच्या जवळ जाणाऱ्या या चित्रपटाला शहरी, निमशहरी आणि ग्रामीण भागात उत्स्फूर्त प्रतिसाद मिळत असून प्रेक्षक सहकुटुंब चित्रपट पहाण्यासाठी येत आहेत.

प्रविण विठ्ठल तरडे लिखित, दिग्दर्शित ‘मुळशी पॅटर्न’ या मराठी चित्रपटाला बॉक्स ऑफिसवर बंपर, खतरनाक ओपनिंग मिळाले आहे. २३ नोव्हेंबर रोजी प्रदर्शित झालेल्या या चित्रपटाने शुक्रवार, शनिवार, रविवार आणि सोमवार या चार दिवसात बॉक्स ऑफिसवर सुमारे ६ कोटीची बंपर कमाई केली आहे.

असं म्हणतात, की चित्रपटाचा विषय जितका दमदार असतो, अगदी तितकाच दमदार प्रतिसाद सिनेमा सुपरहिट करण्यामागे प्रेक्षकांचा असतो. कारण, सिनेमातील गाण्यांना आणि संवादांना डोक्यावर उचलून धरणारा प्रेक्षकंंच सिनेमाचं भवितव्य ठरवत असतो. विशाल देवरूखकर दिग्दर्शित 'बॉईज २' ला देखील महाराष्ट्रातील तमाम प्रेक्षकांचे भरभरून प्रेम लाभत आहे. विशेष म्हणजे अवघ्या तीन दिवसांमध्ये 'बॉईज २' ने बॉक्स ऑफिसवर ५.११ कोटींचागल्ला कमावला आहे. ज्यात फ्रायडे ओपनिंग १.३० कोटी, शनिवारी १.६१ कोटी आणि रविवारी २.२० कोटींचा समावेश आहे. इरॉस इंटरनॅशनल आणि एवरेस्ट इंटरटेंटमेन्ट प्रस्तुत, अवधूत गुप्ते ह्यांच्या सहयोगाने सुप्रीम मोशन पिक्चर्स प्रोडक्शनअंतर्गत ५ ऑक्टोबरला प्रदर्शित झालेल्या या सिनेमाच्या चाहत्यांमध्ये दिवसेंदिवस वाढ होत असतानादेखील पहावयास मिळत आहे.

शुक्रवारी प्रदर्शित झालेल्या ‘सविता दामोदर परांजपे’ चित्रपटाला पहिल्या तीन दिवसांत प्रेक्षकांचा भरघोस प्रतिसाद मिळालाय. बऱ्याच दिवसांनंतर एक उत्तम थरारपट पाहिल्याचा अनुभव प्रेक्षकांनी व्यक्त केला.

२५ मे ला जगभर प्रदर्शित झालेल्या 'बकेट लिस्ट' ह्या चित्रपटाला जगाच्या कानाकोपऱ्यातून प्रेक्षकांचा उदंड प्रतिसाद मिळतो आहे. या मराठी चित्रपटाद्वारे आजवर आपले सौंदर्य, नृत्य, अदा, गुणवत्ता यांच्या जोरावर लाखो-करोडो प्रेक्षकांची मने जिंकणारी 'माधुरी दिक्षित' प्रथमच मराठी चित्रपटातून आपल्या चाहत्यांवर वेगळीच मोहिनी घालते. प्रेक्षकांबरोबरच बॉक्स ऑफिसवर या मोहोनीची जादू झाल्याचं आपल्याला दिसून येते आहे. २५ मे ला प्रदर्शित झालेल्या 'बकेट लिस्ट' चित्रपटाने अवघ्या ३ दिवसांतच जवळ-जवळ ३.६६ करोडचा गल्ला जमवून चित्रपटाला जोरदार ओपनिंग दिली आहे. शुक्रवारी चित्रपट प्रदर्शित झाल्यापासून अनुक्रमे ९६ लाख, शनिवारी १.३० करोड तर रविवारी १.४० करोडचा पल्ला गाठण्यात या चित्रपटाला यश मिळाले आहे.

Page 1 of 4
Advertisement